Gazeta Sinjali sot raportoi për një aksident trafiku në fshatin Rogovë në Gjakovë ku si pasojë e përplasjes mes dy veturave mbetën të lënduar shtatë persona të cilët u dërguan në QKUK për t’u trajtuar. Plagëve të marra nga aksidenti nuk ka mundur të ju bëjë ballë njëra nga të lënduarat e cila ka ndërruar jetë në QKUK, raporton Gazeta Sinjali.
Këmbësorja që nuk mundi të ju bëjë ballë plagëve të marra është Rita Gashi.
Lajmin për vdekjen e 17-vjeçares e kanë bërë të ditur familjarët e saj.
Sipas njoftimit mortor, varrimi i të ndjerës do të bëhet më 19.03.2023 në ora 13:00 në varrezat e fshatit Rogovë.
“Të dashur familjarë, miq e dashamirë.
Te pikëlluar, me dhimbje të thellë ju njoftojm se sot ka ndërruar jetë vajza e dajës Rita. Avdyl Gashi Varrimi i të ndjeres bëhet 19/03/23 dit e diel në ora 13:00 , Rogov”, thuhet në njoftim.
Lajmin për Sinjalin e kishte konfirmuar zëdhënësi i Policisë për rajonin e Gjakovës, Sheremet Elezaj.
“Rreth orës 16:40 jemi njoftuar se njëri nga këmbësorët (viktima femër), e cila ishte duke u trajtuar në QKUK për shkak të lendimeve të rënda trupore, fatkeqësisht ka ndërruar jetë”, tha ai.
Leave a Reply